Array
(
[text] =>

Uni

ညချိန်တွင် ပုံမှန်မဟုတ်ပဲတိတ်ဆိတ်နေပြီး ညကောင်လေးတွေ၏အသံသာရှိသည် ဆောင်းရာသီကူးပြောင်းစဖြစ်ပြီမို့ ညအချိန်ဟာအအေးဓာတ်ကိုအနဲငယ်မျှပေးစွမ်းနေပြီး ပိုးစုန်းကြိုးလေးကမီးရောင်ကအားဖြည့်ထားသည်

အင်္ကျီဂျုင်းပြတ်အဖြူနဲ့ ဘောင်းဘီတိုတိုဝတ်ထားပြီး ကွပ်ပစ်၌ထိုင်နေသူဟာ ဆောင်းရာသီအအေးနဲ့သူငယ်ချင်းဖြစ်နေသလို တိမ်နှင့်ကွယ်နေသည့် မလင်းတလင်းလလေးကိုငေးကာ တယောက်တည်းအတွေးများနေသူအနား ပိုင်စိုးဦးသွားလိုက်သည်  လက်ထဲ၌အနွေးထည်အင်္ကျီလေးကအခန့်သား

ခါတိုင်းထက်ပိုအေးစက်သည်ထင်ရသည့်ညတွင် ဟန်သည်အတွေးအားတောင်ရောက်မြောက်ရောက်ဖြစ်နေစဥ် ပခုံးပေါ်ကျလာသည့်အနွေးဓာတ်တစ်ခု

"ဦး ဟန်ကအိပ်နေပြီထင်တာ"

"အိပ်တော့မှာညန်း မင်းမတွေ့လို့ရှိမလားလာရှာတာ ထင်တဲ့အတိုင်းပဲ ကိုယ့်ကိုကိုယ့် ရေခဲလူသားမှတ်နေလား လက်ပြတ်ကြီးနဲ့နေနိုင်ရအောင် "

"အကျင့်ပါနေလို့ပါဦးရဲ့ ပြီးတော့ဟနါကအအေးကြောက်တယ်"

"ကိုယ်တော် အအေးကြောက်လို့သာပေါ့မဟုတ်ရင် မင်းကိုယ်လုံးတည်းဖြစ်နေလောက်ပီ"

"ဦးကလည်း "

"ကျုပ်မလဲဘူး ခများဘေးမှာထိုင်နေတာ "

"ပြောပါအုံး အအေးကြောက်ပြီးဒီလိုအကျင့်ရှိတာ"

"ဟန်ငယ်ငယ်ကအေးလာပြီဆို အနွေးထည်ဝတ်ပြီး ဖေဖေစီမှာကွေးနေကြ ဖေဖေမရှိတဲ့နောက်ပိုင်း မေမေနဲ့ကြတော့ အဲလိုတွေမနေခိုင်းဘူး ၁၂နှစ်အရွယ်ကိုရင့်ကျက်စေချင်ခဲ့တာ အသက်နဲနဲကြီးလာတော့ကိုယ့်ဘာသာကိုယ်အနေများရင် အအေးကိုလည်းဂရုမစိုက်တော့ဘူး ဒီလိုပုံံပဲနေများလာတော့ အအေးဆိုတာဘာမှမဟုတ်သလိုဖြစ်လာတာ "

"လိုအပ်လားဟန်"

"ဟမ်~ဘာလဲဦးရဲ့"

"ခများတွက်နွေးထွေးနိုင်မဲ့ရင်ခွင်တစ်စုံ"

"လိုတာပေါ့ဦးရယ် ဒါပေမဲ့မလိုဘူး ဟန်အကျင့်ပါသွားမှာကြောက်တယ် အဲဒီအကျင့်ဆိုးသာပါသွားခဲ့ရင် အဲဒီရင်ခွင်သာမရှိတော့ရင်ဟန်ဘလိုမှနေနိုင်မှာမဟုတ်ဘူးဦး"

ကျွန်တော်ရင်ဘက်တနေရာကနာတယ်ဟန် မင်းကဘလိုနေမှန်းမသိပေမဲ့ မင်းပုံမှန်လိုပြောလိုက်တဲ့အရာကကျွန်တော့်ရင်ကိုနာကျင်စေတယ်

ကျွန်တော်လုပ်ခဲ့တာတွေက မှားလားလို့သံတယတွေဝင်လာတယ် ကျွန်တော့်ကြောင့်မင်းပိုစိတ်ဆင်းရဲနေမလားအတွေးကညတိုင်းခြောက်လှန့်နေတယ်

မင်းသာဘေးမှာရှိရင် အဲညကကျွန်တော့်တွက်လုံခြုံသလိုအားကိုးရသွားတဲ့ကလေးငယ်လိုပဲ ဒါပေမဲ့ခများကိုကျွန်တော်မချစ်ဘူးဟန်

မဟုတ်ဘူး ချစ်လား? မချစ်လား? ကျွန်တော်ကိုယ်တိုင်တောင်မသိတာမို့ ခများကအဖြေရှာပေးရလိမ့်မယ်ဟန်

"ခများအကြောက်ဆုံးအရာကဘာလဲဟန်"

"ခင်တွယ်ရမှာရယ် ချစ်ရမှာကိုရယ်"

ဟန်မင်းနဲ့ပတ်သက်လာရင်လေ ပဟေဠိတွေကြီးပဲ မင်းရဲ့စကားတိုင်းက ကျွန်တော်တွက်အမေးတွေပဲဟန်

"ဟန်သံယောဇဥ်ဖြစ်သွားရင် အဲလူတွက်အစွန်းရောက်တက်ပြီး ဟန်ချစ်တဲ့သူမှန်သမျှဟန်အနားကထွက်သွားကြတယ် "

"ဒါဖြင့် ဟန်နေခဲ့တဲ့လောကကြီးကိုကျောခိုင်းပစ်လိုက်စမ်းဟန် အခုချိန်မှာဟန်တယောက်တည်းမဟုတ်ဘူးကျွန်တော်လည်းရှိနေပြီပဲလေ"

ကျွန်တော်လည်းရှိတယ်တဲ့ ထိုစကားဟန်တွက်အမှန်လားဟန်မသိ ဟန်နားထဲတွင်အဲချိန်ကအကြောင်းရာတစ်ချို့သာခေါင်းထဲဝင်လာသည်

စကားဝိုင်းလေးသည်အကြောင်းပြချက်မရှိတိတ်ဆိတ်သွားပြန်သည် ညကောင်လေး၏အသံတွေဟာလည်း ထိုတိတ်ဆိတ်မှုကိုမဖြိုခွင်းနိုင်

ဟန်မနက်နိုးလာတော့ဦးလည်းမတွေ့အဖေလည်းမတွေ့  မီးဖိုချောင်၌ခေါင်းပေါင်းစကြီးပေါင်းပြီး ချက်ပြုတ်နေတဲ့အမေသာရှိသည်

"အမေ "

"ဟော~နိုးပြီလား "

"ဟုတ်ဒါနဲ့အဖေရော"

အဖေရောဆိုတာနဲ့ သမင်လည်ပြန်ကြည့်လာသည့်အမေ

"အဖေကိုသိချင်တာလား? ယောင်္ကျားဘယ်သွားလဲသိချင်တာလား?"

"ဟိ နှစ်ခုစလုံး"

"ကိုပိုင်စိုးကလယ်ထဲသွားတယ် ဟိုကောင်ကဘယ်သွားလဲကျုပ်လဲမသိဘူး "

"စကားမစပ်အမေ ဦး အဲ ပိုင်စိုးဦးကဘာတွေကြိုက်တက်လဲဟင် "

လပ်ထဲမှာစာအုပ်နဲ့ဘောပင်ကိုင်လာသည့်အကြောင်းရင်းကအခုမှသိတော့တယ်

ဪ~အတ္တကြီးလိုက်တဲ့ငါ့သား ထိုအတ္တကတနေ့ဒုက္ခဖြစ်လာမှာကိုသာ ဒေါ်ခင်မေဦးကြောက်ပါသည်

မိမိရှေ့ရှိကောင်လေး၏အပြုံးက အေးချမ်းမှုကိုဆောင်ပြီး တခါတလေ မျက်ဝန်းသေတွေနဲ့မဲ့ပြုံးကကျောချမ်းစရာ

သူပြောသမျှစာရေးပြီးလိုက်မှတ်နေတဲ့သမက်ဖြစ်သူကိုသာ သူ့ယောင်္ကျားမြင်လိုက်ရမယ်ဆိုရင် သူ့သားတွက်ပိုလို့ပင်စိတ်မအေးဖြစ်သွားမှာ

"ဟော~ ပြောရင်းဆိုရင်းလာပြီ "

အဝါနဲ့အမဲရောင်စပ်လေးကို လက်ကဖြတ်ထားပြီး ဘောင်းဘီအမဲလေးတွဲဝတ်ထားသည့်ဦးက သာမန်ရုပ်ရည်ဆိုပေမဲ့ ဟန်မျက်လုံးထဲတွင်သိပ်ကို ခန့်ညားလွန်းသည်

အိမ်ရှေ့ကွပ်ပစ်၌သွားထိုင်သည့်ဦးနားဟန်ပါလိုက်သွားလိုက်သည်

"မင်းဘာတွေမှတ်နေတာလဲ"

"ဟင်းနာမည်တွေ"

"ဘာတွက်"

"ဦးကြိုက်တဲ့ဟာတွေအမေ့ကိုမေးပြီးမှတ်နေတာ ဒီတိုင်းဆိုဟန်ကမေ့တက်လွန်းလို့ "

"မင်းကတော့လေ "

"ဒါနဲ့ကျုပ်ဘယ်ကလာလဲဆိုတာဘာလို့မမေးတာလဲ"

"မေးချင်တာပေါ့ ဟန်နဲ့ယူလိုက်ရလို့မလွတ်လပ်ဘူးချုပ်ချယ်တယ်ထင်မှာစိုးလို့မမေးတာ ဒါပေမဲ့ဦးကြိုက်တာလုပ်လို့ရတယ်တစါခုပဲ ဟန်အပေါ်မဖောက်ပြန်ပါနဲ့ ဟန်လုံးဝခွင့်လွှတ်မှာမဟုတ်ဘူး"

"ကျုပ်ကမင်းကိုမချစ်ရင်သာနေမယ် မဖောက်ပြန်တာမို့ မင်းစိတ်အေးလို့ရတယ် အခုနကျုပ်သွားတာ အိမ်သွားကြည့်တာ"

"အိမ် ဘယ်သူ့အိမ်လဲ"

"ကျုပ်နဲ့နောက်မိန်းမနေဖို့တွက်"

ဖတ် !

စကားအကောင်းပြောရင်ဘယ်တော့မှအပေါက်လမ်းမတည့်သည့်ဦးကို လက်မောင်းအားရိုက်ချလိုက်သည်

"မင်းယောက်က္ခမအိမ်မှာနေနိုင်လား"

"နိုး "

ထိုမှဟန်စဥ်းစားမိကာရိုက်မိလိုက်သောလက်မောင်းအားဖွဖွလေးပွတ်ပေးလိုက်သည်

"ဟိ ~နာသွားလားဦးကတော်တာ"

"မဖားနဲ့အေးဆေးဆက်ဆံ သွားကြီးဖြဲပြရအောင်နွားပွဲစားမဟုတ်ဘူးညန်း"

"ဟိုကောင်တွေစီကဖုန်းလာတယ် Happy New year ကျရင်အားလုံးရွာပြန်လာကြမယ်တဲ့ "

"အဲဆိုဘဘကြီးမိုင်ကပါလား"

"မသိဘူးမောင် သူတို့ဘာသာလာချင်လာမလာချင်နေ ကိုမိုးရွှေ ဘီလူးနဲ့ငဟိန်းတော့လာမယ်ထင်တယ်"

"ဟမ်~ ဘီလူးကဘာလာလုပ်မှာသူ့မိန်းမမွေးကာနီးမှ"

"ကွဲသွားပီ မင်းမသိဘူးလားသူ့မိန်းမသွားခွဲလိုက်တာ"

"ဟန်မသိဘူး "

ဘီလူးတွင်တရားဝင်မိန်းမနှင့်သမီးတယောက်ရှိသည် သတ္တုမိုင်းလုပ်တယ်ဆိုတော့သိတဲ့အတိုင်းပိုက်ဆံကလည်းရွှင် တရွာမှာတစ်ကျီဆောက်ရုံတင်မဟုတ် ရွာရှိသူအကွက်မိတဲ့သူမှန်သမျှ စားမယ်ဆိုတာကြီး လွန်ခဲ့တဲ့လတွေကမှ အိမ်ထောင်ကွဲဖြစ်သည့်တစ်ဝမ်းကွဲအမနှင့်ယူလိုက်ကြသည် ထိုအမတွင်လည်းမပေါ့မပါးကြီးနဲ့ သူနဲ့ရတာတော့မဟုတ်ဘူး အရင်ယောင်္ကျားနဲ့ရတာ

သူ့မိန်းမလိုက်လာတော့ သူနဲ့ငြိထားသူတွေက လျော်ကြေးတောင်းတာတွေနဲ့ အခုယူထားတဲ့မိန်းမပါခွဲပစ်လိုက်တယ်တဲ့ ပြီးတော့သူလည်းဆက်မပေါင်းတော့ဘူး

ဟန်ဘဝတွင် ဆေးရှုအရက်သောက်တာကမှဖြေသာအုံးမည် မိန်းမရှုပ်တဲ့လူဆိုအသေရွံ

"ဟန်တို့အိမ်ဘယ်နေ့စပြောင်းကြမလဲ"

"သဘက်ခါ နေ့ကောင်းတယ် မနက်ဖြန်တော့နေလိုက်အုံး "

"အင်း ဒါနဲ့အလုပ်ကရော"

"ဦးအောင်မျိုးတို့အခုလုပ်နေတဲ့ကျင်းပြီးခါနီးရင်ခေါ်လိုက်မယ်ပြောတယ် အဲကြမှပဲသွားတော့မယ်လောလောဆယ် အိမ်မှာနှစ်ပတ်လောက်နေပြီးလှေသွားလိုက်မလို့"

"ဟိုလှေမလိုက်ပဲ အဖေနဲ့လယ်ထဲဆင်းရင်ရော"

"ဒီမှာဟန်ကျုပ်သာလယ်လုပ်မယ်ဆိုရင် အခုချိန်ခများမိုင်းမှာတွေ့ရမှာမဟုတ်ဘူး လယ်ထဲမှာရောက်နေမှာ "

"မိုင်းကအလုပ်ကြမ်းလေ လယ်ကအဲလောက်မဆိုးပါဘူး"

"အဖြေကရှင်းရှင်းလေးဟန် ကျုပ်အဖေနဲ့အလုပ်မလုပ်ချင်လို့ "

ဟန်ထိုခံစားချက်ကိုနားလည်ပါသည် ဦးကအဖေနဲ့ပတ်သက်ပြီးခံစားချက်ရှိသလို ဟန်လည်းအမေနဲ့ရှိခဲ့တာပဲလေ

"ဟဲ့! ဟိုကလေးတွေထမင်းစားမယ် သူ့ဖေကလယ်ထဲဆင်းရအုံးမှာ"

"ဆက်ဟန် ဟိုကောင်ကဘယ်တဲ့ "

"ရွာထဲကသူငယ်ချင်းနဲ့အရက်ဆိုင်ကိုတဲ့အဖေ"

စားပွဲရှိဟင်းကိုအစဥ်လိုက်ဦးချပြီး ထမင်းသာငုံ့စားနေလိုက်သည်

"ဒီထမင်းဝိုင်းကဘယ်တော့မှလူစုံမှာလဲကွ ဟမ်"

အဲဒါရှင့်ကြောင့်လို့ ခင်မေဦးမပြောဖြစ်ပေ ထမင်းစားဝိုင်းပျက်သွားမှာသူမလိုလား

ထမင်းဝိုင်းတွင်ဘယ်တော့မှလူမစုံတာကြည့်ပြီးခင်မေဦးတယောက်မျိုပင်မကျ

ရွာပြင်ထန်းရေဆိုင်တွင်

"မင်းကွာပျောက်ခြင်းမလှပျောက်သွားတာ လာမဲ့လာတော့အလှလေးပါခေါ်ခဲ့သကိုး"

"ငါထင်တာရွာသူချောချောလေးကွ"

ကိုအေးသာရဲ့ထန်းရေဆိုင်ကပင်ကျရေဘဲဖြစ်တာကြောင့် ညနေပိုင်းဆိုအတော်သောက်လို့ကောင်းတယ် ပိုင်စိုးဦးနှင့်အဖွဲ့မှာ ​လေးယောက်တည်းသာရှိသည်

"ငါမေးပါအုံးမယ် ကျောင်းတုန်းကရှိသမျှဆော်တွေပတ်ကြောင်လာတဲ့ကောင်ကဘယ်လိုဖြစ်ယောင်္ကျားလေးတယောက်နဲ့လဲ "

"အေးလေ အသက်ငယ်လို့စိတ်ကစားတာများလား"

"ငါတော့မထင် ရွာရောက်ရောက်ချင်းငါတို့နဲ့လာမသောက်တာဘဲကြည့် "

"လင်နားမခွာနိုင်တာ"

ငယ်ပေါင်းငါးယောက်၏ပြောဆိုမှုကို ပိုင်စိုးဥိး ပဲကြီးလှော်ဝါးကာနားထောင်နေလိုက်သည် တချက်တချက်ထန်းတောပိုင်ရှင်ကိုအေးသာ၏စကားလည်းဝင်လာသေးသည်

"ဒါနဲ့ဟေ့ရောင်ငါတို့နဲပါးမိတ်ဆက်ပေးကွာ "

"သူလားမိတ်ဆက်ပေးမှာ ညီကိုတောင်မှ မသိမှာစိုးလို့မိတ်ဆက်တာကောင်"

ဝက်ဖုံရွာသည် ပိုင်စိုးဦးတို့ညီအကိုမရှိရင်ပျင်းစရာကောင်းသလို ထန်းတောတွင်သူတို့နှစ်ယောက်ပေါင်းမိလျှင် တခုခုဖြစ်လာတော့မည်ဆိုတာအေးသာမတွေးလည်းသိလိုက်ပြီ

တယောက်တနေရာစီဆို ဘာအသံမှမကြားပဲ နှစ်ယောက်သာပေါင်း မတွေးရဲ

"ငါဒီမှာမှန်းဘလိုသိလဲ "

"အိမ်ပြန်တာ လငပုတ်ဖမ်းနေတဲ့မျက်နှာတွေ့လို့ မရီးမေးပြီးလိုက်လာတာ"

သူ့ညီ ပိုင်ထွေးကိုထန်းရေတမြူလုံးမော့ချပြီး သူတို့လင်လင်ကြောင်းဖောက်သယ်ချတော့သည်

"ဟ ငါ့တို့ကောင်နဲ့အသက်တူတူပေါ့ "

"မရီးကတောင်နဲနဲကြီးတယ်"

"အားကိုးခံချင်တဲ့ငါ့တို့ကောင်ကြီး မောင်ဆိုတာနဲ့ပြားပြားဝပ်သွားလား"

"နိုးနိုး မှားတယ်ဟိုကဦးဆိုတာ ဟန့်သဘောဖြစ်သွားတာဟေ့ရောင်ရေ"

ရယ်ရင်းအားမ၍ လက်ပါနီးစပ်ရာကျောကိုရိုက်ရယ်နေသည့်ညီ၏ပါးစပ်ထဲ ကြွက်ကင်ထိုးထည့်ပေးလိုက်သည်

"အလိုလိုက်တာမဟုတ်ဘူးညန်း ငါ့နောက်အားကိုးပြီးလိုက်လာကာမှအားငယ်ရတဲ့အဖြစ်မျိုးမဖြစ်စေချင်နော် ငိဖို့"

ထန်းရေတမြူပြီးမြူသောက်ပြီး လေတိုက်လာလေမူးလာလေဖြစ်နေပြီ အာလေးလျှာလေး အာသွာလျှာသွက်ဖြစ်လာကြသည်

"အောင်ပွဲခံတဲ့အနေနဲ့အမူးသောက် ဒီညကပိုင်စိုးဦးညပဲ"

"မြှောက်မနေကြနဲ့ဟေ့ရောင်ရေ တော်ကြနေခြင်ထောင်ပြင်မှာနေရမှ ငိ ငိငိတွေဖြစ်ကုန်မယ် "

ဟား...ဟား....ဟား......

ထန်းရေအိုးမျောက်မြားဖြစ်လာချိန်တွင် သူသူကိုယ်ကိုယ်လမ်းခွဲလိုက်ကြသည် ဟိုသုံးယောက်ကတစ်တွဲ ပိုင်စိုးဦးတို့ညီအကိုကတစ်တွဲ

ညီအကိုနှစ်ယောက်လမ်းအကျယ်ကြီးကိုသိုင်းပွက်နင်းကာ ပခုံးသိုင်းထက်ထားကြသည် ဘောင်းဘီအတိုဝတ်ထားသည်ပိုင်ထွေးဦးက ထပ်တိုအောင်လုံးတင်လိုက်ပြီး ပေါင်သလုံးကြွက်သားများမှာ၁၅နှစ်အရွယ်နဲ့မလိုက်ဖက်အောင်တုတ်ခိုင်သည် ထို့အတူပိုင်စိုးဦးကလည်းအားကျမခံ ပုဆိုးကစလွယ်သိုင်းလွယ် ဖိနပ်ကိုခါးမှာထိုးအားကစားဘောင်းဘီကိုထပ်လုံးတင် ခေါင်းမှာဟန်စီးပေးလိုက်သော ကြက်တောင်စီးကလှုပ်စိလှုပ်စိနှင့်

"အရက်ကိုကြိုက်လို့သောက်တဲ့သူ"

"စိတ်ပျော်တက်လို့သောက်တဲ့လူ"

စာသားတကြောင်းကိုတယောက်စီဆိုကာအိမ်ပြန်လာကြသည် လမ်းကခွေးကတအူအူ

အူးးးးးး

"သောက်ပလိုက်မယ်အရက်များများ"

"ကိုကြီးရေ ခွေးတွေတောင်လိုက်ဆိုနေတယ်ကျန်း"

"အဲဒါကိုကြီးဆိုတာတော်လို့ "

"အခုဆိုတာဘယ်ရောက် "

"ကြားလူတွေဖြတ်လို့တော့နောက်မဆုတ်ဘူး အဲဒါ"

"ဟာ~မဟုတ်ဘူးကောင် လေထုထဲမှာငါဟာသီချင်းလေးဆိုအဲဒါ"

"မှားနေတယ် ငါတို့ဆိုနေတာတောဂေါ်လီလေညီလေးရာ"

🎶မနက်ခင်းစောစာစီးအိပ်ရာထ ကြွ စိတ်မှာထကြွလို့အိပ်ယာကထ သိက္ခာကကျ🎵

"ညကထထားရင် မနက်ကထနိုင်လို့လား"

"ဒီမှာညီရေး ယောင်္ကျားတယောက်က မနက်လင်းပွင့်တာနဲ့အောက်ကကောင်ပါပွင့်ရော အဲညီရေးပြောတဲ့ဟာကတော့ ညီးရေးမိန်းမရရင်သိမှာပေါ့ကွာ"

သူတို့၏သီချင်းဆိုသံနှင့် မဖွယ်မရာစကားတွေဟာဘုန်းကြီးကျောင်းကလော်စပီကာအသံနှင့်ပြိုင်နေကြသလိုပင် ခြံနားမရောက်တရောက်မှာသီချင်းသံတညံညံနဲ့ဦးများလားထွက်ကြည့်တာ အဟုတ်ကိုဦးဖြစ်နေတာ ခြံတောင့်မှာရပ်နေသည့်ဟန်ကို အခုထိမမြင်ရသေးပုံပင်

"မင်းမိုက်လားဟေ့ရောင် မိုက်ရင်ထွက်ခဲ့ ပိုင်ထွေးဦးတို့ညီအကိုတွေတဲ့ တစ်ကိုတည်း"

အိမ်ရှေ့မှာရှိနေသည့်ခွေးကိုလူထင်နေကာရန်ဖြစ်နေကြသည် သွားတွဲရမဲ့အစား

ဘယ်လိုလုပ်မလဲသိချင်၍ ဒီတိုင်းရပ်ကြည့်နေလိုက်သည်

"ဒီကောင်ငါတို့မကြောက်ဘူးပဲညီရေးရ "

"ရန်မဖြစ်ချင်ဘူးထင်တယ် ထားလိုက် ​အိပ်ပြန်မယ်"

"ညီးရေးရေ မင်းရဲ့မရီးလေးကိုငါတွေ့နေတယ်"

"ကိုရီးအမြင်ငှားနေတာ အိမ်ကိုဟိုဘက်မှာ"

အိမ်ရှေ့မှာရပ်နေပြီး ဟိုဘက်အိမ်လက်ညိုးထိုးနေတဲ့ညီဖြစ်သူနောက်ကို ခေါင်းတညိတ်ညိတ်လုပ်ပြီး အဘေးခြံဝင်သွားလေသည် မနေနိုင်တော့သည့်ဟန်က သွားခေါ်ရတော့သည်  ဦးဝင်သွားသည့်အိမ်ကအကြောင်းသိသည်အလားဘာမှမပြော ဦးတို့ကကိုယ့်အိမ်ကိုယ့်ယာလိုအိမ်ရှေ့ကွပ်ပစ်ပေါ် ခြေကားယားလက်ဖြင့်အိပ်ကြဖို့ လုပ်နေကြသည်

"တောင်းပန်ပါတယ်အမရယ် "

"ရပါ့ဆက်ဟန်ရယ် ဒါမျိုးကရိုးနေပြီဆိုသလိုမျိုးပဲ သောက်နေကြဆိုပေမဲ့ဒီတခါတော့အဆိုးဆုံးပဲဆက်ဟန်"

လူမှန်းသူမှန်းသိနေသည့်ညီကိုအရင်နှိုးပြီး ဦးကိုတွဲခိုင်းရသည် ဟန်ကယောင်္ကျားတွေနဲ့ ခွန်အားတူတူလောက်ဆိုပေမဲ့ဦးနဲ့ယှဥ်ရင် အလိုလိုသေးသွားသည်

မနိုင်တနိုင်ဖြင့်တဖက်ခြံကိုတွဲကာဝင်လာလိုက်သည် ကွပ်ပစ်၌အမေကစိတ်ပျက်လက်ပျက်ဖြင့်

"ဒီအရှေ့မှာပဲပစ်ထားလိုက် အဲမှဒင်းတို့မှတ်မှာ"

ဟန်တွဲထားတာလွှတ်လိုက်တော့ ကွပ်ပစ်ပေါ်ထပ်လျက်သားကျလေသည် အေးနေပြီဖြစ်သည့်ရာသီဥတုမို့ အေးစိမ့်စိမ့်လေးဖြစ်နေပြီ ညလုံးပေါက်ဒီတိုင်းထားဖို့ဆိုတာ ဘယ်လိုမှမဖြစ်နိုင်

အိမ်ပေါ်ထပ်ကိုလည်း မမနိုင်တော့တာကြောင့် စောင်နဲ့ခေါင်းအုံးသွားယူကာခြံပေးလိုက်သည်

"အဖြစ်က သဲတာတော်"

"ဦးကအခုလိုအရက်သောက်ပြီးလေစိမ်းခံရင် ဖျားတက်လို့.."

ဟန်ပြောတော့ မပြောလိုက်ချင်ဘူးဆိုသည့်အကြည့်ဖြင့်ရွာထဲသွားလိုက်သည် ဦးညီကိုလည်းစောင်ခြံပေးလိုက်သည် လင်မျက်နှာလိုက်တယ်ဆိုတာမျိုးမလိုလား

အေးလွန်ပြီးကွေးရင်း ကြည့်တော့ ကွပ်ပစ်ပါ်ရောက်နေသည် ကွပ်ပစ်အောက်ဆင်းဖို့အရေး ကွေးနေသည့်ခါးနှင့်ခြေကိုအရင်ဆန့်ရသည် ဘေးနားကြည့်တော့ကုလားသေကုလားမောအိပ်နေသည့်ညီကို စောက်မြင်ကပ်စွာကန်ချပစ်ခဲ့သည်  သူ့ဘာသာသူကျိုးကျိုးကန်းကန်း

အိမ်ပေါ်တိုင်ကပ်နာရီကြည့်တော့ တစ်ချက်တီးတီး အိပ်ပြီအထင်ဖြင့်တံခါးကိုခပ်ဖြေးဖြေးလေးဖွင့်လိုက်သည်  ညအိပ်ရင်လွတ်လွတ်လပ်လပ်မှအိပ်တပ်သည့်ဟန်ကသူ့အကျင့်တိုင်းတီရှပ်အရှည်နှင့် သူ့ဘောင်းဘီကြီးဝတ်ထားသည်

အေးချမ်းနေသည့်ကောင်လေးတွက် ဆက်အေးချမ်းစေချင်၍ တိတ်တဆိတ်အိပ်ဖို့ပြင်လိုက်သည်

"ဦး "

ကျစ်! နိုးသွားပြန်ပြီငါ့နှယ်

ဟန်မျက်လုံးတွေဟာ အတင်းမှိတ်ချင်နေထိ စိတ်ကမရပေ ဦးကအပြင်မှာဆိုသည့်အသိကသာစိုးမိုးနေသည်

"အင်း~ကျုပ်ရှိတယ် အိပ်"

"ဟန်အိပ်မပျော်ဘူး "

"မင်းတရေးမှမအိပ်ရသေးတာလားဟန်"

"အင်း ဦးအပြင်မှာအေးနေမလားဆိုတဲ့အသိက ဟန့်ကိုအိမ်မပျော်စေဘူး"

ဟန်ရယ်ဟု စိတ်ထဲကသာပြောနိုင်သည် ရုတ်တရက်နဖူးပေါ်ရောက်လာသည့်လက်ကြောင့် အသက်ပင်အောက်မိတော့မလို

"ဘာ! ဘာလုပ်တာလဲ"

"ဦးဖျားချင်နေပီ ကိုယ်နွေးနေတယ် "

"ကျုပ်ကိုပျော့ညံ့အောင်မလုပ်စမ်းနဲ့ဟန် ကျုပ်အနားခများမရှိရင်ကျုပ်ပဲခံစားရမှာ "

"ဦးနားကဘယ်တော့မှထွက်မသွားဘူး ဆံဖြူသွားကျိုးလို့ ဦးခန္တာကိုယ်မရှိတော့တဲ့ထိ ဟန် ဦးနားမှာပဲကပ်တွယ်နေမှာ"

"တော်ကီတပေါက်ကလျှမ်းလျှမ်းတောက် "

"တော်ကီပစ်နေတာမဟုတ်ဘူးနော် အမှန်ပြောတာ "

"ကဲအိပ်တော့ အိပ်ရေးမလို့ခေါင်းကိုက်တယ်ညီးရင် ကျုပ်တော့မသနားဘူး အိပ်"

ရင်ခွင်ထဲဆွဲသွင်းလိုက်တာနဲ့အလိုက်သင့်ပါလာပြီး ဟန်လည်ပင်းပေါ်မျက်နှာအပ်လိုက်သည် ပိုင်စိုးဦးလိုလူတွက်ကြယ်ကြွေစရာမလိုပဲဆုတောင်းပြည့်သည် ပြီးတော့ နွေးတယ် လုံခြုံတယ်

လည်ပင်းကိုဝင်လေထွက်လေပုံမှန်နေပြီမို့ အိပ်ပျော်သွားပြီဆိုတာသိလိုက်ရသည် မနက်ဖြန် မဖျားစေဖို့သာဆုတောင်းရမည်သာ

........................................................................

[text_hash] => a7340860
)