Array
(
[text] =>

Uni

"ဟန်ဘာလုပ်နေတာလဲ "

"ကြယ်ဆက်နေတာလေ "

"မင်းမချမ်းဘူးလား တီရှပ်အပါးလေးနဲ့ "

ဟန်ကိုလည်းပြောရင်း သူလည်းဟန်ဘေးဝင်ထိုင်လိုက်သည် လသာပြင်ကဆိုရင်ကြယ်တွေရှင်းရှင်းလင်းလင်းမမြင်ရ ထို့ကြောင့်အိမ်ရှေ့ကွပါပစ်ပေါ်ရောက်နေရသည် ဟန်ကကွပ်ပစ်ထက်တွင် ခေါင်းကိုလက်နဲ့ခုကာကြယ်တွေကြည့်နေသည်

"နဲနဲအေးသလိုတော့ရှိတယ် "

"ကောင်းကင်မှာကြယ်တွေအများကြီးလေ မင်းဘယ်လိုဆက်တာလဲ မှားမှာပေါ့ "

"ဒီနားလာအိပ် "

ထို့တွင် ဦးလည်းဟန်ဘေးတွင်ဝင်လှဲသည်

"ဦးဘယ်တလုံးကနေဆက်ချင်လဲ ဆက်ချင်တဲ့နေရာကနေလက်တထောက်လိုက် ပြီးတော့ဆက်ကြည့် ပုံတွေပေါ်လာလိုက်မယ် မှားရင်လည်းကြိုးစားခွင့်ရှိတယ်လေ ဘဝကံကြမ္မာလိုအကြောင်းရာတွေ အမဲစက်တွေထင်နေမှာမဟုတ်ဘူး "

"ကြည့်ဟန်ဆက်ပြမယ် "

"ဒါက4 ဟောမှာ တန်းနေတာဆိုတော့ 1 ဒါက ဘုရင်သရဖူလိုပဲဆိုတော့ ဘုရင်ဆိုတော့နံပါတ်1 အယ် 411တဲ့ "

"မင်းဟာကြယ်ဆက်တာမဟုတ်ဘူးညန်း ချဲဂဏန်းကောက်နေတာ "

"မဘုတ်ဆုံပြောတယ် နေ့လယ်က၇၁ ဂဏန်းကောင်းတယ်တဲ့"

"မင်းထိုးလိုက်တာလား "

"မထိုးပါဘူး ချဲထိုးလို့ကုန်မှာထက်စားပစ်မှာ "

"တော်တယ်ဟန် ပြီးတော့ချဲထိုးတာ နှစ်လုံးထိုးတာကျွန်တော်မကြိုက်ဘူး "

"အင်း ဒါနဲ့ဦးဟန်ကိုတော်တယ်လို့ပြောလိုက်တာလား"

"မပြောပါဘူး ခများနားကြားလွဲတာ "

"ဪ~ဟုတ်ပါပြီ မပြောဘူးဆိုလဲမပြောဘူးပေါ့"

" ကျုပ်အမှန်တိုင်းဝန်ခံရရင် ဒီအခြေနေသဘောကျမိတာအမှန်ပဲ လပြည့်လကွယ်နေ့တွေသာ အပြင်မှာညနက်တဲ့ထိနေဖူးတာ တခါမှ ကောင်းကင်ကထူးခြားမှုတွေရှိတယ်ဆိုတာမသိဘူး အခုတော့ လမင်းကြီးရဲ့ဘေးမှာကြယ်တွေဝိုင်းနေတာက ကျွန်တော့တွက်ထူးဆန်းတဲ့မြင်ကွင်းလိုပဲ "

ဟန်မြတ်နိုးရသည့်နှုတ်ခမ်းတစ်စုံဟာ ပါးချိုင့်တွေခွက်ဝင်တဲ့ထိပြုံးနေသည်

ဘယ်လိုတောင်လှပလိုက်တဲ့မြင်ကွင်းလေးလဲ

တော တောင်မှာ စမ်းချောင်း အင်း အိုင်

မြစ်ချောင်းတွေနဲ့မှပြည့်စုံသလို

​ကောင်းကင်မှာလည်း လတွေကြယ်တွေနဲ့

ပြီးပြည့်စုံသလို

ဟန်ဘဝတွက် ဦးဆိုတဲ့လူသားရှိရင်

ပြည့်စုံတယ်

"ဦးလက်ပေး "

ကြောင်တောင်တောင်နိုင်စွာလက်ပေးလိုက်တော့ ဟန်လက်ဖဝါးဖြူဖြူလေးဟာ သူ့လိုလက်ကြမ်းကြီးနဲ့အံဝင်ခွင်ကျ

"မင်းနော် အခွင့်ရေးရရင် ရသလောက်ကိုယူတာ"

"ဟီး.. ဒီတက်တူးအပြည့်တွေနဲ့လက်ကြမ်းကြီးကကိုင်လို့ကောင်းတယ်လေ "

"အဲဒါဘာလုပ်တာ"

"ကြယ်တွေ ဖမ်းဆုပ်တာလေ "

" အရည်မရ အဖတ်မရကို"

"ဒီမှာ ဦးလက်ကကြယ်တလုံးကိုထိသလိုလုပ်လိုက် ပြီးရင် မျက်လုံးတဖက်မှိတ်ကြည့်  တကယ်ထိနေသလိုပဲ"

"ဟုတ်တယ်နော် "

"ဒါပေါ့  ဘယ်သူလဲ ဦးလင်လေးလေ "

"အင်း၉၉ပြားကောင်ရဲ့လင် "

"မြန်မာစံတော်ချိန် ၁၁နာရီရောက်နေပြီ အိမ်ရှေ့ကနှစ်ကောင်ရေ တက်ခဲ့ကြ ပြန်ဖျားလို့ကတော့ကန်ချပစ်မှာ မရီးတော့မပါ "

တခါတရံ ညီအကိုတွေချစ်ချစ်ခင်ခင်မနေကြပေမဲ့ အကိုနေမကောင်းဖြစ်မှာတော့ အရမ်းစိတ်ပူသည် အခုထိကလေးဆန်ချင်နေသေးသည် အကိုကိုလည်းသူနားလည်ပေးနိုင်ပါသည် ရန်ဖြစ်တိုင်းအကိုမှားတာတွေရှိပေမဲ့ အတူတူလိုက်ဆိုးပေးသည် ထိုမျှနဲ့ပင် ညီရဲ့ ၅၂၈‌မေတ္တာကို သိမည်ထင်ပါသည်

"တွေ့လာ စိတ်ဆိုးနေပြီ တက်စို့ ညနက်လေအေးလေဘဲ ဦးပြန်ဖျားနေလိမ့်မယ် "

"..........."

အိမ်ပေါ်မတက်ချင်တက်ချင်ဖြင့် တက်လာပြီး မင်းနဲ့ငါတွေ့မယ် ဆိုပြီးကြည့်သွားတဲ့အကိုဖြစ်သူအား ပြောင်ပြပြီး မရီးကိုတောင်ပြန်မနှုတ်ဆက်အား အခန်းထဲပြေးဝင်ရသည်

အခန်းကမကျယ်ဘူးဆိုပေမဲ့ သူနေရာနဲ့သူတော့ဟုတ်နေတာပင် နှစ်ယောက်အိပ်လို့ရတဲ့သစ်သားကုတင်လေးကို ဘယ်ဘက်အခြမ်းနဲ့ခေါင်းရင်း ပြတင်းပေါက်နားထိကပ်လိုက်သည် ကုတင်ခြေရင်းမှာတော့ နှစ်ယောက်စာဗီဒိုကြီးတစ်လုံး ကုတင်မရှိသည့်ဘက်မှာတော့ စာပွဲခုံလေးတလုံးထားထားသည် အဲဘက်ခြမ်းမှာပင် ဗီဒိုအသေးလေးတစ်လုံးကထပ်ရှိသည် အဲဒါကဦးရဲ့ကိုယ်ရေးကိုယ်တာဆိုတဲ့ဟာ

"အဲဘက်မှာ ခများလင်ရှိနေလို့လား အဲ​​ထောင့်ကိုပဲတိုးသွားရအောင် "

"အကျင့်ပါနေတာကို "

"အဲအကျင့်တွေဖျောက် "

"ဖျောက်ချင်းဖျောက်ဦးပဲဖြစ်သင့်တာ ခနနေရင်ကျွန်တော် ခနနေရင် ကျုပ် ဘာလဲအဲတာက "

"အကျင့်ပါတာ "

"အခုတမျိုးတော်ကြာတမျိုး ဆိုတာအဲဒါပဲ "

"ကျုပ်မေးစရာရှိတယ် ဘာလို့ကျုပ်ကိုဦးလို့ခေါ်တာလဲ "

"ဟိုတခါကပြောသလိုပါဘဲ နာမည်အစကိုခေါ်တာ"

( ''မင်း ကိုတပ်မခေါ်ပဲနာမည်အရင်းခေါ်လို့မရဘူးလား"

"ခေါ်နေတယ်လေ"

"ဘယ်မှာခေါ်လို့"

"ဦးလို့ခေါ်တယ်လေ"

"မင်းက ကင်းကောင်ကိုဦး လို့ခေါ်တာ အသက်တူကိုလေ"

"ဦးလို့ခေါ်တာအသက်ရွယ်နဲ့မဆိုင်ဘူး "

"အဲတော့မင်းကအဖျားစွတ်ခေါ်တာပေါ့"

"အင်း" )

"မင်းရဲ့ရည်းစားဟောင်းတွေရော အဲလိုအဖျားဆွတ်ပြီးခေါ်တာပဲမလား "

"ဦးက သဝန်တို​နေတာလား "

"ဘာကိစ္စနဲ့တိုရမှာလဲ "

"အဖျားဆွတ်ပြီးခေါ်တယ်ဆိုတာတော့မှန်တယ် ဒါပေမဲ့ ဦးအရွယ်တောင်မှ ဦးလို့မခေါ်ဘူး ဘာလို့လဲသီလား ဟန့်ရင်ထဲမှာ ဦးဆိုတဲ့နာမ်စားနဲ့ လူတယောက်ပဲရှိလို့ "

"အဲဒါက ဦးပဲလေ "

"လိမ်တာ "

"ဘာကိုလဲ ဦး ဟုတ်တယ်ဟန်ဦးလို့ခေါ်ခဲ့ဘူးတယ် အဲဒါက ရန်ကုန်ကတက်စီသမားတွေ ဆိုက်ကားသမားတွေ ဦးနာမည်စသိပြီး ဦးဆိုတဲ့နာမ်စားပေးမိတော့ ဦးလေးတွေ အန်ကယ်တွေဖြစ်သွားတာ ဦးသတိမထားမိလို့ရယ် "

"Exဘယ်နှစ်ယောက်ရှိခဲ့လဲ အမှန်တိုင်းသိချင်တယ် "

"ဟန်ပြောလို့စိတ်မဆိုးဘူးလို့ဂတိပေးမလား "

"အင်း "

ဟန်ဟာ ဒဿဂီရိလိုမျက်နှာများတယ် လူရှပ်ဆိုပြီး ဦးလေးသတိပေးခဲ့ဖူးသည် ဒါပေမဲ့သူစိတ်ထဲမထားခဲ့ ဟန်ပါးစပ်ကကိုယ်တိုင်ပြောလာခဲ့ရင် နားထောင်နိုင်စွမ်းရှိမည်မထင်

"မိန်းကလေး၅ယောက် ယောင်္ကျားလေးက၃ယောက် ဟန်တို့ချစ်သူဖြစ်ခဲ့ကြတယ် ၁လပြည်တဲ့သူကခပ်ရှားရှားပဲ ဘာလို့လဲဆို ဟန်စိတ်ရှုပ်မခံနိုင်ဘူး စိတ်တွေညစ်လာရင် ေဂျာင်းပဲ ယောင်္ကျား...."

"တော်...တော်ပါတော့ဟန်ရယ် ကျွန်တော်နားမထောင်နိုင်တော့ဘူး ဒီနေရာကနာတယ် "

လက်တစ်ဖဝါးစာပဲကွာသည့်အနေထားမှာ ဦးကဖက်တွယ်လာပြီး ညအိပ်မီးဝါကျင်ကျင်အောက် ကောင်လေးရဲ့မျက်နှာထက်ဝမ်းနည်းရိပ်သန်းသည့်အနေဖြင့်စုဆောင်းလာသည့်ငွေပုလဲများအိုင်ထွန်းနေချင်ပြီ တဖက်ကလည်းပြောရင်း နောက်လက်တဖက်ကလည်း ရင်ဘက်တနေရာကိုညွှန်ပြနေသည်

ဟန်နဲ့ယှဥ်ရင် ဦးဟာ၉၉ပြားကောင်ဖြစ်ယုံကလွဲပြီး လုံးဝအဖြူထည်လေး

"ခများရဲ့အချစ်ဦးတွေ ဖြစ်ခဲ့တဲ့သူတို့ကို မုန်းတယ် ပြီးတော့ကျွန်တော့်ကြောင့်စိတ်ရှုပ်ရလားဟင် စိတ်ရှုပ်သွားရင်လည်းနှင်တော့မထုတ်ပါနဲ့ခများရယ် ကျွန်တော်ကိုယ်တိုင်ထွက်သွားပေးမှာပါ "

"မဟုတ်တာ ဦးရာ "

ဒီကောင်လေးငိုတာမြင်တော့ သူလည်း ဝမ်းနည်းလာသည်

"ခများနဲ့တွေ့ရင် ကျွန်တော်ပျော်တယ် တခြားသူနဲ့တွေ့ပြီး ပါးချိုင့်တွေပေါ်အောင် ပြုံးနေတာလဲမကြိုက်ဘူး ကျွန်တော်ပျော်ရွှင်ဖို့တစ်ခုတည်းတွက်ပဲကြည့်မိတာ မင်းပျော်ရဲ့လားဆိုတာမတွေးမိဘူး ကျွန်တော်ကဆိုးတယ်မလားထုချင်ထုရိုက်ချင်ရိုက်ပါ မထွက်သွားပါနဲ့ "

ကုတင်အောက်မှာဒူးထောက်ပြီးထိုင်နေသူက လုံးဝဟန်သိတဲ့၉၉ပြားကောင်မဟုတ် ပါးပြင်ပေါ်ကမျက်ရည်တချို့ကိုသုတ်ပေးလိုက်ပြီး ကုတင်ပေါ်ပြန်ထိုင်ခိုင်းရသည်

"ဒီမှာထိုင်ပါအုံး ဟန်မျက်နှာကြည့် "

ကုတင်ပေါ်တစောင်းထိုင်နေသည်ထိ ထိုလူသားလေးဟာခေါင်းမမော့လာ

"ကြည့်ပါဆို "

မျက်နှာဆွဲမော့လိုက်မှ မျက်နှာကို ကြည့်လာသည် ထပ်ပြီးငိုမချမိဖို့ မျက်ဝန်းတဝိုက်ရစ်ဝိုင်းနေသောမျက်ရည်တချို့ ကိုကျမလာစေဖို့ မျက်တောင်တစ်ခုကတာဝန်ယူယက်ခတ်နေသည်

"ဟန်ရည်းစားတွေအများကြီးထားခဲ့ဖူးတယ်ဆိုတာမှန်တယ် ဦးနဲ့ကြတော့အရင်ကလူတွေနဲ့ ရင်ခုန်ရပုံချင်းမတူဘူး ဟန်ဝန်ခံရရင် ဦးရဲ့အပြုမူတွေကအရမ်းသဘောကျခဲ့ရတာ တခြားသူတွေကပြောတယ်ပထမဆုံးချစ်တဲ့သူကို အချစ်ဦးတဲ့ အဲဒါကမဟုတ်ဘူး ဘယ်သူနဲ့မှမတူတဲ့ရင်ခုန်သံနဲ့ချစ်တဲ့သူကမှ အချစ်ဦးလို့ခေါ်တာ

ဟန်တွက်ဆိုရင် ဦးကနှစ်ဦးမှာ ရင်ခုန်ရတဲ့ အချစ်ဦးပဲ "

"နှစ်ဦးမှာ ရင်ခုန်ရတဲ့ အချစ်ဦး "

"အင်းလေ သင်္ကြန်မှာကတည်းက "

"တောင်းပန်ပါတယ် "

"..........."

"ကျွန်တော်ခံစားချက်တွေသိနေတာတောင်မှ ချစ်တယ်လို့မပြောရဲလို့ "

"ဟင်း...ဘယ်လောက်လဲ ဘယ်ချိန်ထိလဲ ဟန်စောင့်နိုင်ပါတယ် "

"ကျေးဇူးတင်ပါတယ် "

ထိုညတွင် ခံစားချက်ကိုယ်စီဖြင့် တယောက်သောသူကအိပ်ပျော်သွားပြီး တယောက်သောသူမှာ အတွေးပင်လယ်ထက် ပက်လက်မျောနေတုန်းပင် ဘာလို့များ ချစ်တယ်ဆိုတာမပြောထွက်ခဲ့ရလဲကိုယ့်ကိုကိုယ်မသိ

........................................................................

[text_hash] => 553276b4
)